|
|
| ID:
|
100.180 |
| Leto:
|
1370 |
| Mesec:
|
10 |
| Dan:
|
7 |
| Datum:
|
1370 X. 7. |
| Regest:
|
Konrad (IV.) Gall naznani, da je zamenjal z Volfartom, župnikom v Škocjanu pri Turjaku, in tamkajšnjo župnijsko cerkvijo 2 snopa (fevdne) desetine od šestih hub v navedenih vaseh za neko drugo posest. |
| Izstavitelj:
|
Konrad (IV.) Gall |
| Prejemnik:
|
Volfart, župnik v Škocjanu pri Turjaku |
| Arhivsko nahajališče:
|
GAFA, predal 4 |
| Edicije:
|
Preinfalk-Bizjak, TKL I/1, str. 245–246, št. 180. |
| Regesti:
|
Komatar, Schloßarchiv, str. 100, št. 185. |
| Besedilo:
|
Ich Chunrad der Gall vergich offenleichen an disem prief fur mich vnd fur all mein erben vnd tun chunt allen den, di in sehent oder horent lesen, daz ich mit woluerdachtem mut vnd mit aller meiner erben vnd vreunt rat vnd gunst willichleichen vnd gern gefreyt han den zehenten, der glegen ist tzum Staynperch, ze Neusazzen, ze Vrezzaw, ze Gaberyach vnd tzu dem hoff pey Weyxelberch gelegen von sechs huben, der tzwo garben von mir ze lehen gewesen sint, also daz ewichleichen von mir vnd von mein erben ledig vnd vrey sein sol, herrn Wolfarten pharer ze Sand Canczian gelegen pey Awersperch vnd der phar chirchen da selb vnd allen sein nachchomen. Darumb hat er mir geben ayn gut, des ich gantz vnd gar von im gericht vnd gewert pin vnd ich han sew geruchleichen vnd vnuersprochenleichen darauf gesatz vnd nutz vnd auf gewer mit aller stat. Darumb verczeich ich mich mit disem prief, daz ich noch mein erben furpaz chayn ansprach noch vordrung tzu der egenanten manschafft noch lehenschaft nicht mer haben schullen. Auch sol ich sew dar auf schermen vnd vertreten vnd verantuorten vor menichleich vor aller ansprach nach landes recht. Vnd werden sew auer mit pezzeren rechten dauon gelten, den ich in darauf geben han, welhen schaden sew das nam, den ir ayns pey sein trewen sait, den schullen wir in genczleich gelten an alle widerred. Vnd daz schullen sew haben auf mir vnd auf mein erben vnuerschidleichen vnd auf allen dem vnd ich han oder noch gewinn. Vnd wolt ich sew nicht genczleich weren erchens vnd schadens, so sol sew der hauptman in Chrayn weren von aller meiner hab mit mein guten willen. Mit vrchund diczs prief mit mein anhangendem insigel versigelt, der geben ist nach Christs geburd dreuzehen hundert jar, dar nach in dem sibenczichistem jar, des nasten montag vor sand Dyonisen tag. |
| Objava listine:
|
TL1-180.pdf |
| Changed at:
|
10.4.2009 13:13 |
Changed by:
|
M. Bizjak |
| Created at:
|
6.4.2009 9:44 |
Created by:
|
M. Bizjak |
|
|