|
|
| ID:
|
100.195 |
| Leto:
|
1373 |
| Mesec:
|
6 |
| Dan:
|
5 |
| Datum:
|
1373 VI. 5. |
| Regest:
|
Hartnid mlajši (V.) Ptujski, štajerski deželni maršal, proda bratoma Dipoldu (VI.) in Rudolfu (III.) Kacenštajnskima svoj del gradu Kacenštajn za 1300 goldinarjev. |
| Izstavitelj:
|
Hartnid (V.) Ptujski, štajerski deželni maršal |
| Prejemnik:
|
Dipold (VI.) Kacenštajnski; Rudolf (III.) Kacenštajnski |
| Arhivsko nahajališče:
|
ÖNB, cod. 7561, fol. 108’–109, št. 199 |
| Edicije:
|
Preinfalk-Bizjak, TKL I/1, str. 261–262, št. 195. |
| Besedilo:
|
Ich Hertneid der junger von Pettaw, marschalch in Steyer vergich mit disem prief fur mich vnd fur all mein erben vnd tun chund allen den, die in sehent oder hornt lesen, das ich mit wolbedachten mut, mit gunst, rat vnd willen meiner nechsten frewnt vnd czw der zeit, do ich es wol getun mocht, recht vnd redleich verchauft han den erbern chnechten Dyepolten vnd Rudolfen prudern von Chatzenstain, irn wirtinn vnd allen irn erben fur recht aigen vnsern tail der vestt cze Chatzenstain vnd waz dartzu gehort mit allen den rechten, nuczen, ern vnd wirden, als es mein vater selig vnd ich in nutz vnd in gewer herpracht vnd inne gehabt haten vntz auf disen heutigen tag, lewt vnd gut, stoch vnd stain, holtz, veld, wazzer, wismad, waid, vischwaid, auzvart vnd invart, oder wie ez genant ist, besucht vnd vnbesucht, gepawn vnd vngepawn, alles ingeslozzen vnd nichts auzgenomen vmb drewczehen hundert guter guldein, der wir gar vnd gentzleich von in gericht vnd gewert sein vnd haben sew des egenant tail der vëstt Chatzenstain, guter vnd waz dartzu gehort in aigen nütz vnd gewer gerutleich gesaczt mit aller stet, daz sew damit varn vnd wandeln mugen als mit anderm irm aigen gut vnd loben in daz alles schermen vnd cze vertreten, als man aigne güter vertreten vnd schermen sol nach des landes rechten in Steyer. Teten wir des nicht, welhen schaden si des nemen, wie der schad genant wer, den ir ains pey seinen trewn mocht gesagen an aid vnd an all ander bewerung, den loben wir in gentzleich abczelegen vnd sullen sew daz haben auf vns, auf vnsern trewen vnd auf alle dew vnd wir haben. Vergezzen wir vns indert daran, so sol vns der landesher in Steyer oder wer an seiner stat gewaltig ist an vnserm gut dartzu notten, wo sew darauf zaigent mit vnserm guten willen. Daz in daz stet vnd vnczebrochen von vns beleib, daruber geben wir in disen prief versigelten mit mein obgenantes Hertneids von Pettaw anhangunden insigl vnd czu ainer pezzern geczeugnuzz mit meiner dyener Fridrichs meins schaffer vnd Chuntzen des Raumschuzzl auch anhangunden insigeln, die sew durch vnserr vleizzigen pet willen an den prief gehangen habent, in vnd irn erben an schaden, zu vrchund der warhait. Der prief ist geben nach Christes gepurd dreuczehenhundert jar, darnach in dem drew vnd sibenczigisten jare, an dem phingst tag. |
| Objava listine:
|
TL1-195.pdf |
| Changed at:
|
10.4.2009 13:14 |
Changed by:
|
M. Bizjak |
| Created at:
|
6.4.2009 9:54 |
Created by:
|
M. Bizjak |
|
|