|
|
| ID:
|
100.239 |
| Leto:
|
1385 |
| Mesec:
|
8 |
| Dan:
|
3 |
| Datum:
|
1385 VIII. 3. |
| Regest:
|
Elizabeta Čreteška, vdova Leopolda (II.) Čreteškega, in njena sinova Hertel in Martin namenijo svojemu zetu oz. svaku Viljemu (I.) Turjaškemu kot doto za svojo hčerko oz. sestro Elizabeto 150 funtov dunajskih pfenigov in mu za to vsoto nakažejo navedeno posest. |
| Izstavitelj:
|
Elizabeta Čreteška; Hertel Čreteški; Martin Čreteški |
| Prejemnik:
|
Viljem (I.) Turjaški |
| Arhivsko nahajališče:
|
GAFA, predal 4 |
| Edicije:
|
Preinfalk-Bizjak, TKL I/1, str. 313–314, št. 239. |
| Regesti:
|
Komatar, Schloßarchiv, str. 125–126, št. 239. |
| Besedilo:
|
Ich Elspet von Rewtenperch Lewpolds von Rewtenperch salig wittib vnd ich Hartel vnd Mertel von Rewtenperch ir sun vnd all vnser erben vergehen vnd tun chunt offenleich mit disem prif allen den, die in ansehent oder horent lesen, daz wir vnserm lieben aydem vnd swager hern Wilhalem von Aursperch ze haimstewr geben haben zu vnser lieben tochter vnd auch swester frawen Elspeten von Aursperch anderhalb hundert pfunt pfening Wiener muncz vnd dafur haben wir vnserm vorgenanten lieben aydem vnd auch swager eingeantwurt vnd geben die guter, die hernach geschriben stend: Von erst drey huben ze dem Nydern Kal vnd ain huben ze dem Smariach vnd auch ein huben in der Salein, die genant ist ze der langen wisen, vnd auch ain wisen, die gelegen ist zenachst pey der selben huben, vnd auch den zehent ze dem Nydern Kal vnd ze Greyl in dem ganczen dorff vnd vnder dem Waldlin vnd zu der Durr vnd zu dem Arechak vnd zu dem Salnik vnd zu dem Ragacz den selben zehent die drew tail. Vnd waz durch recht darzu gehort vnd waz durch recht zehent geben schol nichz auz genomen, als wir in selb inn gehabt haben vnd auch die vorgenanten guter, lewt vnd gut vnd waz darzu gehort, besucht vnd vnbesucht, auch nichtz auzgenomen. Vnd als wir sy auch selb in nucz vnd in gewer inn gehabt haben, da schol vnser lieber aydem vnd swager vnd sein erben die selben vorgenanten guter, lewt vnd gut vnd auch den vorgenanten zehent mit aller zu gehorung inn haben, nuczen vnd nyezzen, wandeln vnd da mit tun, als mit ander seiner aygen hab. Also beschaydenleich wann ich vorgenante Elspet von Rewtenperch vnd ich Hartel vnd Mertel uon Rewtenperch ir sun vnd vnser erben vnsern vorgenanten lieben aydem vnd swager vnd sein erben ermanen mit dem vorgenanten gelt, so schol er vnd sein erben vns vnd vnsern erben die vorgenanten guter, lewt vnd gut mit sampt dem zehent wyder antwurten vnd geben an als verzichen. War auch, daz vnser lieber tochter vnd auch swester fraw Elspet von Aursperch an leipleich erben abgieng, dez got enwell, so schol vnser vorgenanter lieber aydem vnd swager die vorgenanten guter, lewt vnd gut mit sampt dem zehent jar vnd tag inn haben, nuczen vnd nyczen nach lands recht vnd so schullen vns vnd vnser erben dann die vorgenanten guter, lewt vnd gut mitsampt dem zehent wyder angevallen vnd gancz vnd gar von im vnd von seinen erben ledig vnd los sein. War auch, daz den vorgenanten vnsern lieben aydem vnd auch swager hern Wilhalem von Aursperch, sein hausfrawen vnd sein erben von den vorgenanten gutern yeman trib oder treiben wolt mit pesseren rechten, den wir im dar auf geben vnd geben haben, so lob ich vorgenante fraw Elspet von Rewtenperch vnd ich Hartel vnd Mertel von Rewtenperch ir sun vnd vnser erben den vorgenanten vnserem lieben aydem vnd swager, seiner hausfrawen vnd iren erben die vorgenanten guter mit sampt dem zehent ze schermen vnd ze vertreten vor manichleich fur all ansprach vnd vordrung nach lands recht. Tat wir dez nicht, welhen schaden vnser vorgenanter lieber aydem vnd swager, sein hausfraw vnd ir erben dez nemen, den ir ains pey seinen trewen sait an ayd, an taiding, an ander bewarung, den selben schaden mitsampt dem erkchen schullen im vnd seinen erben gar vnd ganczlich abtun vnd wyder chern an alle wyderred vnd sy schullen auch den selben schaden mit sampt den erkchen haben auf vns vnd auf aller vnser hab vnd auf allen vnsern erben. Vnd scholl sy der landsherr in Krayn oder sein geschaft dez selben erkchen vnd schaden richten vnd wern von aller vnser hab vnd erben hab, wa wir die haben oder noch gewinnen mit vnserm guten willen. Mit vrchund dicz prifs versigelt mit meiner vorgenanten frawen Elspeten von Rewtenperch vnd mit meine lieben suns hern Hartleins von Rewtenperch vnser payder anhangunden insigeln vnd auch versigelt mit meiner lieben ohaim Volker von Aursperch vnd Thomas von Sicherperch ir payder anhangunden insigeln, die sy durch mein vorgenanten Mertlein von Rewtenperch flizzen pet willen an den prif gehangen haben, in vnd iren erben an schaden, wann ich ze disen zeiten meins insigels nicht gehabt han. Der prif ist geben nach Christes gepurt drewczehen hundert jar vnd dar nach in dem fumf vnd achczigesten jar, dez nachsten pfincztag vor sand Oswalts tag. |
| Objava listine:
|
TL1-239.pdf |
| Pečati:
|
1) Elizabeta Čreteška; 2) Hertel Čreteški; 3) manjka; 4) Tomaž Žumberški |
| Changed at:
|
10.4.2009 13:28 |
Changed by:
|
M. Bizjak |
| Created at:
|
6.4.2009 10:02 |
Created by:
|
M. Bizjak |
|
|