|
|
| ID:
|
100.248 |
| Leto:
|
1389 |
| Mesec:
|
1 |
| Dan:
|
10 |
| Datum:
|
1389 I. 10. |
| Regest:
|
Konrad Rigelpach stopi v službo bratov Jurija (I.) in Viljema (I.) Turjaških, ki mu preskrbita za ženo mladenko Adelajdo in mu podelita v fevd našteto posest. Obenem se zaveže, da bo svoji ženi dal za jutrnjo 20 mark oglejskih pfenigov, kar je pogoj za njeno doto v enakem znesku s strani Turjaških. |
| Izstavitelj:
|
Konrad Rigelpach |
| Prejemnik:
|
Jurij (I.) Turjaški; Viljem (I.) Turjaški |
| Arhivsko nahajališče:
|
GAFA, predal 8 |
| Edicije:
|
Preinfalk-Bizjak, TKL I/1, str. 324–326, št. 248. |
| Regesti:
|
Komatar, Schloßarchiv, str. 130, št. 250. |
| Besedilo:
|
Ich Chuncz der Rigelpach vnd mein erben vergehen offenlih an disem prif vnd chunt allen den, die in an sehent oder horent lesen, daz ich mich ganczlich mit dienst czogen han vnder hern Jorgen vnd hern Wilhalmen pruder von Aursperch vnd ir erben vnd haben mir zu irer junchfrawen, die sy mir geben haben zu ainer eelichen hawsfrawen den hoff verlihen an dem Furt vnd ain huben ze dem Purkstal vnd ain huben an der Strazzen vnd ain huben ze dem Kne vnd waz darzu gehort, besucht vnd vnbesucht, wisen vnd akker, stok vnd stain, wasser vnd rain, ausfart vnd einvart, wie ez genant oder gehaizzen sey, also auzgenomenlich, daz ich vnd mein leiplich erben dem vorgenanten hern Jorgen vnd hern Wilhalmen, prudern von Aursperch vnd iren erben furbaz dienstlich sten schol als ein yegleich diener seinem hern trewleich dienen schol. Auch schol ich vorgenanter Chuncz meiner hawsfrawen Adelhaiten ze morgengab geben zwainczig march schilling vnd wann ich sy der zwainczig march auzzgericht han mit beraiten pfening, so schullen mein vorgenanten herren von Aursperch meiner vorgenanter wirtîn auch zwainczig march geben vnd die selben zwainczig march, die ir mein hern geben, die schullen ich vnd mein wirtin vnder mein vorgenanten herren von Aursperch anlegen vnd schullen die selben zwainczig march von in haben als die vorverschriben hab. War aber daz ich oder mein erben den vorgenanten hern Jorgen vnd hern Wilhalmen, prudern von Aursperch vnd iren erben von dienst varn wolten vnd sy vns nicht behaben mochten, so war in die vorgenante hab vnd auch die zwainczig march wyder ledig worden vnd sy schullen sich dez guts vnd auch der zwainczig march ganczlich vnder winden mit vnserm guten willen vnd ich vnd mein erben schullen furbaz hincz in vnd hîncz iren erben chain ansprach noch vordrung nicht mer haben in chainer weg. Mit vrchund dicz prifs versigelt mit meiner lieben swager Nikklein dez allten Harrer vnd mir, Nikkleins dez allten Osselnikker ir payder anhangunden insigelen versigelt, die sy durch mein vorgenanten Chunczen fleizziger pet willen an den prif gehangen haben, in vnd iren erben an schaden, wann ich ze den zeiten aygens insigel nicht gehabt han. Der prif ist geben nach Christes gepurt drewczehen hundert jar vnd darnach in dem newn vnd achczigesten jar, dez suntag nach der heligen drey chunig tag. |
| Objava listine:
|
TL1-248.pdf |
| Pečati:
|
1) Nikolaj Harrer; 2) Nikolaj Osolnikar |
| Changed at:
|
10.4.2009 13:17 |
Changed by:
|
M. Bizjak |
| Created at:
|
6.4.2009 10:53 |
Created by:
|
M. Bizjak |
|
|